Կարմիր խաչի միջազգային կոմիտեի ներկայացուցիչներ փետրվարին Բաքվում կրկին տեսակցել են բոլոր հաստատված պահվող հայերին. այսօր լրագրողների հետ ճեպազրույցում հայտնել է Հայաստանում ԿԽՄԿ պատվիրակության հաղորդակցման ծրագրերի ղեկավար Զառա Ամատունին։
Ամատունու խոսքով, Ռուբեն Վարդանյանին այցելել են այն ժամանակ, երբ նա արդեն հացադուլի մեջ է եղել։ ԿԽՄԿ ներկայացուցիչների հետ եղել է նաև բժիշկ։
«ԿԽՄԿ-ի աշխատանքի ձևաչափը չի ենթադրում իր տեսածի վերաբերյալ հանրային քննարկումներ։ Տեսակցությունների մանրամասներին, թե ինչ ենք մենք արձանագրում, ինչպես ենք անդրադառնում դրանց, չենք կիսում հանրության հետ, ընտանիքների հետ, բովանդակային մասով տեղեկությունները չենք կիսում Հայաստանի իշխանությունների հետ։ Դրանք վերաբերում են տվյալ երկրում անազատության մեջ գտնվող անձանց համար պատասխանատու իշխանություններին»,- հայտարարել է Ամատունին։
