Լոնդոնի գագաթնաժողովում եվրոպացի առաջնորդների քննարկած Ուկրաինայի ֆինանսավորման ավելացումը ուղղված է ոչ թե խաղաղության հասնելուն, այլ պատերազմի շարունակմանը։ Հայտարարել Է ՌԴ նախագահի մամուլի քարտուղար Դմիտրի Պեսկովը։
«Այնտեղ դեռ հայտարարություններ էին հնչում այն մասին, որ անհրաժեշտ է շտապ ապահովել Ուկրաինայի ֆինանսավորման բարձր մակարդակը։ Դա ակնհայտորեն ոչ թե խաղաղ ծրագրի, այլ ռազմական գործողությունների շարունակման համար է։ Սա մեր ըմբռնումն է, իսկ մնացածը կախված կլինի նրանից, թե ինչ խաղաղության ծրագրեր կկազմվեն և ինչ խաղաղության ծրագրեր կներկայացվեն քննարկման», – հավելել է Կրեմլի ներկայացուցիչը։
