ԱԺ ՀՀԿ փոխնախագահ Արմեն Աշոտյանն իր դատավարությունից հետո, անդրադարձել է ՀՀ երկրորդ նախագահի կողմնակիցների մեղադրանքներին, թե գործող իշխանությանը ՀՀԿ-ն է բերել։
«Եթե մենք ենք բերել Նիկոլին, ինչո՞ւ ենք ամենաշատը մենք տուժում, ամենաշատը մենք հալածվում»,- ասել է նա՝ հավելելով,- «Թե չէ՝ ստացվում է՝ բերել ենք մենք, օգտվում են ուրիշները»։
Նա նշել է, թե իրենք քաղաքական խոսույթ են ձևակերպում, բայց փոխարենը անձնական վիրավորանքներ ու հարձակումների են ականատես լինում. «Երրորդ պարադոքսն էլ կա՝ այն ուժը, որ ընտրություններից առաջ հավակնում էր հաղթանակի, խորհրդարանական վերջին ընտրություններից չորս տարի անց մեզ փորձում է մեղադրել, որ մեկ երրորդ չեն ստացել։ Դա էլ է պարադոք։ Ես չեմ ուզում, որ 2026թ. կրկնվի 2021 թվականը։ Ես դրա հետ OK չեմ, ես դրան հանդիմանում եմ, դրա հետ համերաշխ չեմ»,- ասել է նա։
