Արցախի ԱԺ նախկին պատգամավոր, քաղաքական վերլուծաբան Վահրամ Աթանեսյանը «Ֆեյսբուքի» իր էջում գրել է.
«Դուք տեսե՞լ եք «Բակո Սահակյանը Բաքվի բանտում է, որպեսզի ես Երեւանում լինեմ» գրությամբ ցուցապաստառ: Այդ դեպքում միջազգային հանրությունից ի՞նչ աջակցություն ենք ակնկալում: Աշխարհում ամեն ինչ գին ունի:
Հ.Գ. Լեռնային Ղարաբաղը փրկելու ընդունակություն եւ կամք չունեին՝ գիտենք, նախկին նախագահներին աջակցելու մի գրագետ քարոզչությու՞ն էլ չեն կարողանում կազմակերպել:
Հ.Հ.Գ. Ինչպե՞ս կարող է Բակո Սահակյանը «պատերազմական հանցագործ» լինել, եթե Ադրբեջանի պաշտպանության նախարար Մամեդռաֆի Մամեդովը 1994թ. փետրվարի 18-ին Մոսկվայում ՌԴ պաշտպանության նախարար Պավել Գրաչովի միջնորդությամբ նրա հետ ղարաբաղա-ադրբեջանական ռազմաճակատային գծում հրադադարի հաստատման նախնական արձանագրություն է ստորագրել»։
