Մեծ Բրիտանիայի և Ֆրանսիայի առաջնորդներ Քիր Սթարմերը և Էմանուել Մակրոնը հաջորդ շաբաթ Վլադիմիր Զելենսկու հետ կմեկնեն Վաշինգտոն՝ հանդիպելու ԱՄՆ նախագահ Դոնալդ Թրամփի հետ: Այս մասին գրում է Daily Mail թերթը՝ վկայակոչելով դիվանագիտական աղբյուրներին։
Աղբյուրների համաձայն՝ նրանք ցանկանում են «[խաղաղ կարգավորման] ծրագրի շուրջ Թրամփին միասնական ճակատով ներկայանալ»։
Ինչպես նշում է հրատարակությունը, նման այցը կարող է տեղի ունենալ Ուկրաինայի և ԱՄՆ-ի միջև հարաբերությունները վերականգնելու փորձերի ֆոնին՝ Սպիտակ տանը Զելենսկու և Թրամփի սկանդալային վեճից և Կիևին ամերիկյան ռազմական օգնության դադարեցումից հետո։
