Հավաքական անվտանգության պայմանագրի կազմակերպությունը (ՀԱՊԿ) աշխատանքային շփումներ է պահպանում Երևանի հետ, Հայաստանի նկատմամբ կազմակերպության պարտավորությունները պահպանվում են: Այս մասին «Իզվեստիա» – ին տված բացառիկ հարցազրույցում հայտնել Է ՀԱՊԿ գլխավոր քարտուղար Իմանգալի Տասմագամբետովը։
«Մենք Երևանի հետ աշխատանքային շփումներ ենք պահպանում։ Եվս մեկ անգամ ընդգծեմ, որ Հայաստանի Հանրապետությունը մնում է դաշնակից, կազմակերպության պարտավորությունները երկրի նկատմամբ պահպանվում են։ Ինչ վերաբերում է ՀԱՊԿ-ի հետ համագործակցությունը վերսկսելու պատրաստակամության ազդանշաններին, ապա փոխհարաբերությունների ձևաչափը չի փոխվել և մնում է նույնը», – ասել է նա։
Նշենք, որ Հայաստանը սառեցրել է իր մասնակցությունը ՀԱՊԿ-ին 2024 թվականի փետրվարին։
