Ղազախստանից Ակտաու-Բաքու-Ջեյհան նավթամուղով Ադրբեջան նավթի արտահանումը կարող է ավելանալ ընթացիկ տարում։ «ԿազՄունայԳազ» ընկերությունից հայտնել են, որ Աստանան մտադիր է այն հասցնել 1,7 մլն տոննայի։
Ադրբեջանի պետական նավթային ընկերության հետ համաձայնագրի շրջանակում Ակտաու-Բաքու-Ջեյհան ուղղությամբ ղազախական նավթի տարանցման ծավալն այժմ կազմում է 1,4 մլն տոննա:
«ԿազՄունայԳազ»-ի և SOCAR-ի միջև ղազախական նավթի տարանցման մասին գլխավոր համաձայնագիրը ստորագրվել է 2022 թվականին։ 2023 թվականի մարտին իրականացվել է Քաշաղանի հանքավայրից 7 հազար տոննա նավթի փորձնական առաքում Ադրբեջանի տարածքով։
Ընդհանուր առմամբ, 2024 թվականին Ղազախստանից նավթի տեղափոխման ծավալը կազմել է 83,5 մլն տոննա, ինչը նախորդ տարվա համեմատ ավելի է 4 տոկոսով։
