Մարտի 12-ին Եվրախորհրդարանը լիագումար նիստի շրջանակներում կքննարկի Բաքվում պահվող հայ բանտարկյալների հետ կապված իրավիճակը։
Ինչպես հաղորդում է «Արմենպրես»-ի թղթակիցը Բրյուսելից, հարցը կքննարկվի մարդու իրավունքների, ժողովրդավարության և օրենքի գերակայության խախտումների վերաբերյալ բանավեճի ընթացքում:
Եվրախորհրդարանի պատգամավորները կկենտրոնանան հայ բանտարկյալների, այդ թվում՝ Լեռնային Ղարաբաղի նախկին բարձրաստիճան ներկայացուցիչների ապօրինի ձերբակալությունների և դատավարությունների վրա՝ «Ադրբեջանի կողմից հայ բանտարկյալների անօրինական կալանավորումները և ֆիկտիվ դատավարությունները» խորագրի ներքո։ Այս հարցով հրատապ բանաձեւի քվեարկությունը նախատեսված է մարտի 13-ին։
Ավելի վաղ հաղորդվել էր, որ Եվրախորհրդարանի անդամները մտադիր են հրատապ քննարկումներ անցկացնել եւ համապատասխան բանաձեւ ընդունել։
