ՆԱՏՕ-ի գլխավոր քարտուղար Մարկ Ռյուտեն մասնավոր կերպով կոչ է արել Եվրամիության առաջնորդներին ակտիվացնել հարաբերությունները Թուրքիայի նախագահ Ռեջեփ Թայիփ Էրդողանի հետ՝ մի կողմ թողնելով տարաձայնությունները՝ ամրապնդելու անվտանգության ոլորտում համագործակցությունը: Այս մասին հայտնում է Financial Times-ը (FT)՝ հղում անելով նրա հայտարարություններին համառոտ տեղեկացված պաշտոնյաներին։
Հրատարակության տվյալներով՝ դա պայմանավորված է ԱՄՆ նախագահ Դոնալդ Թրամփի և նրա վարչակազմի դիրքորոշմամբ՝ կապված եվրոպական անվտանգության հետ։
Ըստ FT-ի՝ Բրյուսելը ուսումնասիրում է Թուրքիայի և ԵՄ անդամ չհանդիսացող այլ երկրների հետ համագործակցության ընդլայնման հնարավորությունը՝ որպես եվրոպական պաշտպանական կարողությունների զարգացման մաս։
Պաշտոնյաները նշել են, որ Անկարայի հետ ներգրավվածությունն ընդլայնելու մղումը նաև ուղղված է ԵՄ երկրների հետ երկկողմ կապերի բարելավմանը:
