Հայաստանի ԳԽ և Արցախի ԱԺ նախկին պատգամավոր Վահրամ Աթանեսյանը «Ֆեյսբուքի» իր էջում գրել է.
«Վկա են տասնյակ ֆեյսբուքյան գրառումները, հոդվածները եւ հարցազրույցները՝ միշտ թերահավատ եմ եղել «Թրամփն Ուկրաինան հանձնում է Պուտինին» նարատիվի նկատմամբ:
Այսօր ԱՄՆ-ը եւ Ուկրաինան Ռուսաստանի նկատմամբ, կարծում եմ, այսպես ասած՝ «դիվանագիտական եղան» են գործարկել. համաձայնել երեսունօրյա հրադադարին՝ Պուտինի համար նշանակում է չհասնել Խերսոնի եւ Զապորոժիեի մարզերի եւ Դոնբասի ամբողջական ռուսաստանապատկանության գոնե դե-ֆակտո լեգիտիմացմանը, իսկ հրաժարվելը հղի է Միացյալ Նահանգների կողմից Ուկրաինային ռազմական աջակցության լրիվ վերականգնման եւ նոր պատժամիջոցների ենթարկվելու, միջազգայնորեն վերջնականապես մարգինալ դառնալու առարկայական սպառնալիքով:
Պատերազմը շարունակելու ընտրության դեպքում Վլադիմիր Պուտինը կարող է կորցնել եվրոպական մի քանի երկրի բացահայտ կամ նրբաքողարկված աջակցությունը, խնդիրներ ունենալ Չինաստանի, Հնդկաստանի, Թուրքիայի եւ անգամ Իրանի հետ՝ ներքին հնարավոր «սմուտայի» մասին դեռ չխոսած»։
