Ուկրաինայի տարածքում ՆԱՏՕ-ի երկրների զորքերի ներկայությունը ցանկացած դրոշի ներքո, ցանկացած կարգավիճակով, այդ թվում՝ խաղաղապահների, սպառնալիք է Ռուսաստանի համար: Այս մասին հայտարարել է ՌԴ ԱԳ նախարար Սերգեյ Լավրովը:
«Սա այն չէ, ինչ պահանջվում է պատերազմի դադարեցման համար, որը Արևմուտքը մղում է մեր դեմ ուկրաինացիների միջոցով՝ նրանց զորքերի անմիջական մասնակցությամբ: Մենք դա գիտենք: Եթե ՆԱՏՕ-ի ընդլայնումը առնվազն Թրամփի կողմից ճանաչվի որպես հիմնական պատճառներից մեկը, ապա ՆԱՏՕ-ի զորքերի ներկայությունը ցանկացած դրոշի տակ, ցանկացած կարգավիճակով, ուկրաինական հողում նույն սպառնալիքն է մեզ համար»,- ասել է Լավրովը:
Նա ընդգծել է, որ Մոսկվան «ոչ մի դեպքում» չի ընդունի ՆԱՏՕ-ի երկրների զորքերն Ուկրաինայի տարածքում:
«Ոչ մի դեպքում։ Ոչ ոք մեզ հետ չի խոսում: Նրանք շարունակում են պնդել, որ ոչինչ Ուկրաինայի մասին առանց Ուկրաինայի, բայց ամեն ինչ անում են Ռուսաստանի դեմ առանց Ռուսաստանի։ Երբ ԱՄՆ նախագահ Դոնալդ Թրամփին հարցրել են խաղաղապահների մասին, նա պատասխանել է, որ դեռ վաղ է դա քննարկել, սակայն սովորաբար պահանջվում է բոլոր կողմերի համաձայնությունը: Ինչու պետք է համաձայնություն տանք խաղաղապահ ուժերին կամ ինչ-որ խաղաղապահ խմբի։ Նրանք ուզում են, որ նման ուժը կազմված լինի այն երկրներից, որոնք մեզ թշնամի են հայտարարել»,- ընդգծել Է ՌԴ ԱԳ նախարարը։
