Ֆրանսիայի նախագահ Էմանուել Մակրոնը փակ հանդիպում է անցկացրել Փարիզում հավաքված շուրջ երեսուն երկրի գլխավոր շտաբի պետերի հետ։ Նա կոչ է արել Ռուսաստանի հետ խաղաղության համաձայնագիր կնքելու դեպքում ձեռնամուխ լինել Ուկրաինայի համար «անվտանգության հուսալի երաշխիքների որոշման» մշակմանը։ Այս մասին հաղորդում է Le Figaro թերթը։
Ինչպես տեղեկացնում է AFP-ն Փարիզում կայացած հանդիպմանը մասնակցել են 34 երկրների ներկայացուցիչներ: Մեծ մասամբ խոսքը ԵՄ և ՆԱՏՕ անդամ պետությունների մասին է։ Բացի այդ, բանակցություններին ներկա են եղել Ավստրալիայի, Նոր Զելանդիայի և Ճապոնիայի ներկայացուցիչները: Նշվում է, որ ԱՄՆ-ը ներկայացուցիչը չի մասնակցել միջոցառմանը:
«Ժամանակն է, որ Եվրոպան իր ամբողջ ներուժը ցույց տա հօգուտ Ուկրաինայի և հօգուտ իրեն։ Հաշվի առնելով խաղաղության բանակցությունների արագացումը, անհրաժեշտ է սկսել անվտանգության հուսալի երաշխիքների որոշման պլանավորում, որպեսզի Ուկրաինայում կայուն խաղաղությունն իրականություն դառնա»,- հայտարարել է Մակրոնը։
Ֆրանսիայի նախագահի մամուլի ծառայության տվյալներով՝ հանդիպման մասնակիցները համակարծիք են եղել, որ Ուկրաինայի անվտանգության երաշխիքները չպետք է տարանջատվեն ՆԱՏՕ-ից և նրա հնարավորություններից: Նման երաշխիքները պետք է լինեն հուսալի և երկարաժամկետ, ինչպես նաև ուղեկցվեն ուկրաինական բանակի մշտական աջակցությամբ։
