Բիշքեկում Ղրղզստանի և Տաջիկստանի նախագահներ Սադիր Ժապարովն ու Էմոմալի Ռահմոնը պետական սահմանի մասին համաձայնագիր են ստորագրել: 20 տարվա բանակցություններից հետո Ղրղզստանի և Տաջիկստանի սահմանը ամբողջապես դելիմիտացվել և դեմարկացվել է։ Այսօր նախագահները ստորագրում են պետական սահմանի մասին համաձայնագիրը, որով 5 տարվա դադարից հետո պաշտոնապես բացվում են երկու կողմերի սահմանային անցակետերը։
Այնուհետև երկու երկրների միջև սահմանի վերաբերյալ համաձայնագիրը պետք է վավերացվի երկու երկրների խորհրդարաններում և նախագահների կողմից ստորագրվելուց հետո օրենքներն ուժի մեջ կմտնեն:
Ճշտված տվյալների համաձայն ղրղզա-տաջիկական սահմանի ընդհանուր երկարությունը կազմում է շուրջ հազար կիլոմետր, որից 519,9 կիլոմետրը ճշտվել է մինչև 2011 թվականը, իսկ 486,94 կիլոմետրը որոշվել է վերջին երեք տարում: Սահմանների անորոշության պատճառով առաջացել են հակամարտություններ, որոնցից ամենամասշտաբայինը տեղի է ունեցել 2021 թվականի ապրիլ-մայիս ամիսներին և 2022 թվականի սեպտեմբերին, որին զոհ են գնացել հարյուրավոր մարդիկ։
