Ռուսաստանը չի ցանկանում ժամանակավոր հրադադար, նա շահագրգռված է երկարաժամկետ կարգավորմամբ։ Այս մասին այսօր հայտարարել է Պուտինի արտաքին քաղաքականության հարցերով օգնական Յուրի Ուշակովը։
Ժամանակավոր հրադադարը հեռու է երկարաժամկետ կարգավորումից, որը հաշվի է առնում Ռուսաստանի շահերը, նշել է նախագահի օգնականը։ Խաղաղության իմիտացիա ոչ մեկին պետք չէ, ընդգծել է նա։
Նրա խոսքով՝ Ուկրաինայում առաջարկվող ժամանակավոր զինադադարը ոչ այլ ինչ է, քան ուկրաինացի զինվորականների համար ժամանակավոր հանգիստ։
Օլգա Սկաբեևայի հետ հարցազրույցում Ուշակովը հայտնել է, որ Մայք Ուոլցը երեկ զանգահարել է իրեն և պատմել Կիևի հետ պայմանավորվածությունների մասին։
