«Դատավարությունները նորմա՞լ են. իհարկե, նորմալ չեն: Մենք ինքներս հանդես ենք եկել որակումներով՝ բեմականացված, շինծու, մարդու իրավունքների նորմերի խախտմամբ, նոյեմբերի 9-ի խախտմամբ»,- ասել է ՀՀ ԱԳ նախարար Արարատ Միրզոյանը:
Ըստ նրա՝ այս ամենից հետո առաջ է գալիս «հարցերի հարցը՝ ձեր գործողությունները»:
Նրա խոսքով՝ դրա կառավարման միակ ձևը շարունակական բանակցություններն են, որոնք, չնայած դժվարություններին, ընդհանուր փոխադարձ հիմքեր են ստեղծում. «Համաձայնագիրը, որի մասին խոսում ենք, փոքր աստիճան կամ փոքր հիմք չէ, այլ հսկայական պատվանդան է, որի վրա կարելի է կառուցել»:
Ինչ վերաբերում է Բաքվում պահվող հայ գերիներին, նա նշել է. «Իհարկե, տեսնում ենք, թե ինչ է կատարվում, գնահատականներով հանդես ենք եկել, ամեն օր աշխատում ենք այդ հարցի լուծման համար, ցավոք սրտի՝ անհաջող: Ավելին, մենք տեսնում ենք, որ նույնիսկ միակ ինստիտուտը, որը հնարավորություն ուներ տեսակցելու գերիներին՝ Կարմիր Խաչը, հիմա ստիպված է դադարեցնել գործունեությունն այդ երկրում, ինչը լրացուցիչ խնդիրներ է առաջացնում»:
