Հայաստանի ԳԽ և Արցախի ԱԺ նախկին պատգամավոր Վահրամ Աթանեսյանը «Ֆեյսբուքի» իր էջում գրել է.
Տեղի է ունեցել շատ, չափազանց կարեւոր իրադարձություն. Մոսկվայի ժամանակով 04:30-ին ԱՄՆ նախագահի հատուկ բանագնաց Վիտկոֆի ինքնաթիռը վայրէջք է կատարել Բաքվի «Հեյդար Ալիեւ» միջազգային օդանավակայանում:
ՏԱՍՍ-ը հաղորդում է, որ Վիտկոֆի ինքնաթիռն այս պահի դրությամբ դեռեւս այնտեղ է: Առայժմ տեղեկություն չկա՝ Վլադիմիր Պուտինը նրան Կրեմլում ընդունե՞լ է: Եւ ինչու՞ Վիտկոֆը ԱՄՆ վերադարձի ճանապարհին կանգառ է ունենում Բաքվում: Ընդ որում, հայ-ադրբեջանական «խաղաղության պայմանագրի» տեքստը համաձայնեցնելու մասին կողմերի հայտարարությունից ժամեր հետո: Բայց նման հարցերն ու՞մ են հետաքրքրում: Իբր Ադրբեջանն արդեն պայմանագիրն ստորագրել է, մենք էլ գնահատում ենք՝ Հայաստանի համար կապիտուլյացիա՞ է, թե՞՝ ոչ:
