Հայաստանի ԳԽ և Արցախի ԱԺ նախկին պատգամավոր Վահրամ Աթանեսյանը «Ֆեյսբուքի» իր էջում գրել է.
Լսեք, ժողովրդից, հանրությունից ի՞նչ եք ուզում, ի՞նչ եք տվել, որ չի վերադաձնում: Քառասուն տարի բոլորով նրան ներշնչել եք, որ «պատմական արդարությունը պետք է հաղթի», չգիտեմ ում մինչեւ ատամները զինված բանակը կգա եւ Մեծ Հայքի սահմանները կորոշի: Ուրիշ բան ասե՞լ եք: Ով էլ փորձել է զգաստության, ինքնաճանաչման, ինքնագնահատման խոսք բարձրաձայնել՝ մտավորական կոչված հացկատակների խմբերով հարձակվել եք, մարդուն «թուրք, դավաճան, ջհուդամասոնական» պիտակավորել:
Հիմա երեք-չորս պատերազմ անցած, տասնյակ հազարավոր զոհեր տված ժողովրդից ի՞նչ եք պահանջում: Խելացնորություն է, իր տանը հանգիստ նստած մեկը «նոր Սարդարապատի» կոչ է անում: Ստեփանակերտում էլ էին այդպես ասում:
Հիմա ձեռուոտ ընկած՝ տպավորություն են ստեղծում, որ Ադրբեջանի հարձակման մասին 2023 սեպտեմբերի 19-ին ոչինչ չեն իմացել: Ներողություն բառի համար, բայց դուք էդ դեպքում ի՞նչ «տանձի կոթ» էիք: Հիմա էլ Հայաստանու՞մ եք նույն «Սարդարապատը» բեմադրում:
