Դեռ վաղ է խոսել Հայաստանի և Ադրբեջանի միջև խաղաղության համաձայնագրի ստորագրման վայրի մասին։ Այս մասին հայտարարել է Ադրբեջանի փոխարտգործնախարար Էլնուր Մամեդովը: Նա ասել է, որ ադրբեջանական կողմը ներկայումս ակնկալում, որ ՀՀ Սահմանադրության մեջ կիրականացվեն համապատասխան փոփոխություն և կլուծարվի Մինսկի խումբը:
«Երկու պետություններն էլ կարող են դիմել ԵԱՀԿ-ին այդ հարցով։ Ադրբեջանական կողմն արդեն որոշ ժամանակ առաջ է քաշում այդ առաջարկը՝ հաշվի առնելով, որ հակամարտությունը կարգավորված է։ Ցավոք, հայկական կողմը մինչ օրս չի արձագանքել համատեղ դիմումին։ Հուսով ենք, որ Հայաստանը մեզ կտեղեկացնի իր իրական մտադրությունների մասին։ Հաշվի առնելով Հայաստանում ռևանշիստական ուժերի գործունեությունը՝ մենք դա լուրջ ռիսկ ենք համարում»,- ասել է նա։
