ԱՄՆ-ն գնահատում է Հայաստանի և Ադրբեջանի ջանքերը պատմական խաղաղության պայմանագրի շուրջ բանակցությունները ավարտին հասցնելու հարցում։ Այս մասին հայտարարություն է տարածել ԱՄՆ պետքարտուղար Մարկո Ռուբիոն։
«Սա հնարավորություն է երկու երկրների համար շրջել տասնամյակների հակամարտության էջը՝ համաձայն նախագահ Թրամփի՝ ավելի խաղաղ աշխարհի տեսլականի։ Այժմ ժամանակն է հանձնառություն ցուցաբերելու խաղաղության հարցում, ստորագրելու և վավերացնելու պայմանագիրը»,- ասվում է ԱՄՆ պետքարտուղարի հայտարարության մեջ։
