Վաշինգտոնը պնդում է, որ Ուկրաինայում առնվազն կարճաժամկետ հրադադար պետք է լինի, քանի որ ռազմական գործողությունների շարունակությունը չի նպաստում բանակցային գործընթացին։
Այս մասին հայտնել է ԱՄՆ Պետդեպարտամենտի ղեկավար Մարկո Ռուբիոն` ամերիկյան CBS հեռուստաալիքին տված հարցազրույցում։
«Սա դժվար, երեք տարվա պատերազմ է, որը մղվում է շատ լայն ռազմաճակատում, շատ բարդություններով: Ոչ ոք չի ասում, որ դա հեշտ է լինելու, բայց ես ուզում եմ, որ բոլորը հասկանան, թե որն է ծրագիրը: Պլան A-ն է՝ դադարեցնել կրակոցները, որպեսզի կարողանանք անցնել պլան B-ին՝ երկրորդ փուլին, որը բոլորին բանակցությունների սեղանի շուրջ բերելն է», – ասել է Ռուբիոն:
Ռուբիոն անդրադարձել է նաև Ուիթքոֆի ևՊուտինի հանդիպմանը՝ նշելով, որ այն «խոստումնալից» է եղել, սակայն «որոշ խնդիրներ կան»:
