Ռուսաստանի և ԱՄՆ-ի նախագահներ Վլադիմիր Պուտինի և Դոնալդ Թրամփի զրույցը տեղի կունենա Մոսկվայի ժամանակով 16:00-ից մինչև 18:00-ն, հայտարարել է Կրեմլի ներկայացուցիչ Դմիտրի Պեսկովը:
«Դա իսկապես կլինի Մոսկվայի ժամանակով ժամը 16:00-ից մինչև 18:00-ն, և իսկապես, ինչպես գիտեք, տեղի է ունեցել որոշակի քննարկում։ Մոսկվայում և Ստամբուլում բանակցություններ են եղել, և ավելի վաղ հեռախոսազրույց է եղել երկու նախագահների միջև: Այդ պատճառով որոշակի ըմբռնում կա, իհարկե», – ասել է նա։
Պեսկովին նաև խնդրել են մեկնաբանել Թրամփի վերջին հայտարարությունը, թե առաջիկա զրույցի շատ թեմաներ արդեն համաձայնեցված են։
Նա նշել է, որ «մեծ թվով հարցեր կան՝ կապված երկկողմ հարաբերությունների հետագա կարգավորման հետ՝ կապված ուկրաինական կարգավորման հետ»։ «Այդ ամենը պետք է քննարկվի երկու նախագահների կողմից»,- ընդգծել է Պեսկովը։
«Մենք ձեզ կտեղեկացնենք այս զրույցի արդյունքների մասին, ինչպես սովորաբար անում ենք, մենք դա կանենք հնարավորինս արագ»,- հավելել է նա։
