Նախագահ Վլադիմիր Զելենսկին ասել է, որ Ուկրաինան կըդունի էներգետիկ օբյեկտների վրա հարձակումները դադարեցնելու առաջարկին, որի մասին ԱՄՆ նախագահը խոսել է Վլադիմիր Պուտինի հետ զրույցի ժամանակ։ Այս մասին հայտնում է Украинская правда-ն։
«Կարծում եմ, որ ճիշտ կլինի, որ մենք խոսակցություն ունենք նախագահ Թրամփի հետ, և մենք կիմանանք մանրամասներ, թե ինչ են առաջարկել ռուսներն ամերիկացիներին, կամ ինչ են առաջարկել ամերիկացիները ռուսներին»,- ասել է նա։
Միաժամանակ, երկրի նախագահը նշել է, որ Ուկրաինան կընդունի էներգետիկ ոլորտում հրադադարի մասին առաջարկները, սակայն անհրաժեշտ է հրապարակել բոլոր այն մանրամասները, որոնց շուրջ կողմերը պայմանավորվել են։
«Այն բանից հետո, երբ մենք մանրամասներ ստանանք ԱՄՆ-ի նախագահից, ամերիկյան կողմից, մենք մեր պատասխանը կտանք, կպատրաստենք այն, և թիմը պատրաստ կլինի տեխնիկական խոսակցությունների»,- հայտարարել է Զելենսկին։
