Լեհաստանը Ռուսաստանի և Բելառուսի հետ սահմանին հակահետևակային ականներ կտեղադրի՝ «Արևելյան վահան» ծրագրի շրջանակներում։ Այս մասին հայտարարել է պաշտպանության փոխնախարար Պավել Բեյդան։ Այդ նպատակով Լեհաստանը դուրս կգա Օտտավայի կոնվենցիայից, որն ուղղակիորեն արգելում է նման զինատեսակների օգտագործումը։
Լիտվան, Լատվիան և Էստոնիան նույնպես մտադիր են հետևել Լեհաստանի օրինակին։ Բոլոր չորս երկրները Եվրամիության և ՆԱՏՕ-ի անդամ են։
Օտտավայի կոնվենցիայից դուրս գալու պատճառների մասին հարցին ի պատասխան՝ Բեյդան նշել է, որ Լեհաստանը այլընտրանք չունի, քանի որ սահմանային իրավիճակը լուրջ է։
«Մի մոռացեք, թե որ կողմից է իրականացվել հարձակումը Ուկրաինայի վրա՝ Բելառուսի տարածքից», – հավելել է Բեյդան։
