Հայաստանի ԳԽ և Արցախի ԱԺ նախկին պատգամավոր Վահրամ Աթանեսյանը «Ֆեյսբուքի» իր էջում գրել է.
1918թվականի սովահար Հայաստանում հայ ժողովրդի դահիճներից մեկին, թուրք Խալիլ փաշային պատվով ընդունել, պաշտոնական ճաշկերույթ են կազմակերպել, կենացը խմել, սուլթանին արեւշատություն մաղթել, երբ հայության խլյակները Սիրիայի անապատներում օրը հազարներով մեռնում էին: Ճիշտ են արել: Դրա համար էլ Արամ-փաշա Մանուկյանը ոչ թե շարքային դաշնակցական, այլ պետական գործիչ էր, երկիր էր կառուցում:
Հիմա աղմուկ են դրել, թե բա թուրք լրագրողները Հայաստանի բյուջեի, հայաստանցի հարկատուի հաշվին մի քանի օր Երեւանի շքեղ հյուրանոցներից մեկում են ապրել: Լավ են արել, չեղած տեղ «կեղտ» փնտրելու փոխարեն պետք է մտածել ահա ինչի շուրջ. եթե Թուրքիայի կառավարությունն էլ հայ լրագրողներին Անկարա հրավիրի, ու՞մ ենք ուղարկելու, որ «ռեսպուբլիկան չխայտառակի»:
Թե կարծում եք՝ «Եվրանյուսն» իր հաշվին է Բաքու լրագրող գործուղել՝ Իլհամ Ալիեւից հարցազրույց «խնդրի»:
