Արթուր Նահապետյանը նշանակվեց Հակակոռուպցիոն կոմիտեի նախագահ՝ 6 տարի ժամկետով։ Կառավարությունը քննարկեց որոշումը։
Վարչապետ Նիկոլ Փաշինյանը հիշեցրեց, որ մրցութային հանձնաժողովը 3 թեկնածու է ներկայացրել կառավարության քննարկմանը։ «Ես բոլոր թեկնածուների հետ 2 փուլով ունեցել եմ հանդիպում, և ունեցել եմ քննարկումներ, որոնց արդյունքում որոշում եմ կայացրել Արթուր Նահապետյանի թեկնածությունը ներկայացնել կառավարության հաստատմանը»,- ասել է նա։
Վարչապետի խոսքով, իր եզրահանգումը համընկել է մրցութային հանձնաժողովի եզրահանգման հետ. «Պարոն Նահապետյանը թե բարեվարքության միավորով, թե ընդհանուր միավորների հանրագումարով առավելագույն թվերն է հավաքել։ Կարծում եմ՝ սա էլ կարևոր փաստ է արձանագրելու համար»։
Նահապետյանը նշել է, թե կանի առավելագույնը, որպեսզի կոռուպցիայի դեմ պայքարն ու դրա արդյունքը տեսանելի լինի առաջնային շահառուի՝ ՀՀ քաղաքացու համար։
