Թրամփը պատրաստ է անել ամեն ինչ, որ Իրանը միջուկային զենք չունենա. Ռուբիո

ԱՄՆ պետքարտուղար Մարկո Ռուբիոն հարցազրույցում հայտարարել է, որ նախագահ Թրամփը կանի ամեն հնարավորը, որ Իրանը միջուկային զենք չունենա։

«Նախագահը հստակ է հայտնել. նա պատրաստ է ամեն ինչի, որպեսզի թույլ չտա Իրանին երբևէ միջուկային զենք ունենալ։ Նա չափազանց հստակ էր այդ հարցում։ Նա նախագահ է, ով ձգտում է խաղաղության։ Եթե հարցնեիք նրան, նա կասեր, որ կնախընտրեր խնդիրը լուծել դիվանագիտական ճանապարհով՝ առանց պատերազմի»,- ասել է պետքարտուղարը։

Ըստ նրա, եթե այլ երկրներ չմիանան ԱՄՆ-ի այս նախաձեռնությանը, միևնույն է, ԱՄՆ-ն միայնակ կձեռնարկի այս քայլը։

«Մեզ համար անընդունելի է այն աշխարհը, որտեղ Իրանն ու այաթոլլաները՝ այդ կրոնական մոլեռանդները, միջուկային զենք ունեն»,- ընդգծել է Ռուբիոն։