«Մենք գնում ենք թանգարաններ, պատկերասրահներ, տեսնում ենք 19-րդ դարավերջի, 20-րդ դարասկզբի, 20-րդ դարակեսի և այլ ժամանակների՝ Խորհրդային Միության արվեստ, բայց անկախ Հայաստանի Հանրապետության արվեստը մեր թանգարաններում շատ քիչ է ներկայացված»,- հայտարարել է ՀՀ վարչապետ Նիկոլ Փաշինյանը։
Վարչապետն այս հարցը կարևորել է «Իրական Հայաստանի» գաղափարախոսության տեսանկյունից. «Մենք մեր աշակերտներին խթանում ենք, որ գնան թանգարաններ, նրանք գնում են, տեսնում են շատ կարևոր ժառանգություն, բայց անկախությունից հետո բաց է՝ վակում է, չկա ոչինչ, ՀՀ-ում արվեստ չկա, մշակույթ չկա, ստեղծագործություն չկա, ոչինչ չկա, և սա լուրջ խնդիր է։ Եվ այո, մենք այդ ֆոնդերը պետք է համալրենք։ Մեր պետական պատկերասրահում ժամանակակից նկարիչների մշտական ցուցահանդես չկա, չէ՞»,- ասել է նա։
ԿԳՄՍ նախարար Ժաննա Անդրեասյանը նշել է, որ կան ցուցադրված որոշ գործեր. «Ապրիլին նախատեսում ենք բացել բոլոր հարկերը և այդտեղ ավելի ամբողջական կցուցադրենք, բայց ընդհանուր առմամբ նաև ցուցադրության տարածքների լուրջ խնդիր ունենք։ Ֆոնդերում կարևոր գործեր կան, որոնք հնարավոր չի լինում մշտական ցուցադրել»։
