Վլադիմիր Զելենսկին, հրապարակայնորեն հայտարարելով Ռուսաստանի էներգետիկ ենթակառուցվածքին հարվածելուց հրաժարվելու մասին, իրականում հրաման է տվել նոր հարվածներ հասցնել: Այս մասին ասվում է ՌԴ ԱԳՆ պաշտոնական ներկայացուցիչ Մարիա Զախարովայի մեկնաբանության մեջ՝ կապված Ռուսաստանի էներգետիկ ենթակառուցվածքի օբյեկտի վրա Կիեւի ռեժիմի հարձակման հետ, գրում է ՏԱՍՍ-ը։
«Նշենք նաև, որ Զելենսկին հրապարակավ հայտարարել է, որ ընդունում է էներգետիկ ենթակառուցվածքներին հարվածներից հրաժարվելու նախաձեռնությունը և աջակցում է Սպիտակ տան առաջարկին։ Բայց իրականում հակառակ հրաման է տվել՝ ոչ թե հարվածների դադարեցման, այլ հակառակը՝ նոր հարվածներ հասցնելու մասին», – ընդգծել է դիվանագետը։
«Ակնհայտ է, որ այս և այլ ահաբեկչական գործողությունների մեղքն ընկած է այն բոլոր երկրների վրա, որոնք շարունակում են համառորեն և անպատասխանատու կերպով մահաբեր սպառազինությամբ զինել ուկրաինական իշխող վերնախավին՝ դրանով իսկ նպաստելով նրա արյունալի գործողություններին», – ասել է նա։
