Վրաստանի վարչապետ Իրակլի Կոբախձեն «X»-ի իր էջում գրառում է կատարել, որտեղ անդրադարձել է երեկ Հայաստան կատարած այցին և վարչապետ Նիկոլ Փաշինյանի հետ ֆուտբոլի համատեղ դիտմանը։
«Հայաստան կատարած այցի ժամանակ առիթ ունեցա հանդիպելու վարչապետ Նիկոլ Փաշինյանի հետ։ Մեր քննարկումը ընդգրկուն էր՝ կենտրոնանալով մեր ռազմավարական գործընկերության, ինչպես նաև տարածաշրջանային և գլոբալ հիմնական խնդիրների վրա։ Մարզական և մշակութային կապերի միջոցով ամրապնդված մեր հարաբերությունների ուժեղ և դրական դինամիկան վերահաստատում է մեր ժողովուրդների միջև առկա խորը կապերը։ Վստահ եմ, որ այս առիթը ավելի կխորացնի մեր համագործակցությունը և կնպաստի մեր ընդհանուր հաջողությանը»,- գրել է Վրաստանի վարչապետը։
