Ուկրաինայի զինված ուժերը հարձակվել են «Սուջա» գազաչափիչ կայանի վրա, որը գտնվում է Կուրսկի մարզի Սուջայի շրջանում և, որի միջոցով ռուսական գազը մատակարարվում էր Եվրոպական Միությանը: Այս մասին հինգշաբթի երեկոյան՝ մարտի 20-ին, հաղորդել են Mash և Baza Telegram ալիքները:
Mash-ի տվյալներով, հսկայական կրակը տեսանելի է մեկ տասնյակ կիլոմետր հեռավորության վրա՝ Սումիի մարզի սահմանի մոտ: Ալիքը նշել է, որ դա Ռուսաստանի Դաշնությունից Եվրոպա գազի «ամենամեծ տարանցիկ միջանցքն» է: Գազատարի տրամագիծը 1420 մմ է:
