Ցավոք, մեզ չեն ընդունում ՆԱՏՕ․ Զելենսկի

Լրագրողների հետ զրույցում Վլադիմիր Զելենսկին դժգոհել է, որ Ուկրաինան «չի ընդունվում ՆԱՏՕ-ի կազմի մեջ», թեև Կիևն իսկապես ցանկանում է դա։

«Ցավոք, մեզ չեն ընդունում ՆԱՏՕ։ Շատ ենք ուզում, կարծում ենք, որ դա շատ խնդիրներ կլուծեր։ Բայց խոսելու բան չկա։ ԱՄՆ-ը, որպես ՆԱՏՕ-ի գլխավոր դաշնակից, չի աջակցում Ուկրաինայի անդամագրմանը ՆԱՏՕ-ին։ Այսօր դա այդպես է»,- ասել է Զելենսկին։

Այս մասին հայտնում է СТРАНА.ua-ն։

Զելենսկին նաև նշել է, որ պատրաստ չէ քննարկել Ուկրաինայի չեզոքության հարցը, սակայն «ռուսները դա պահանջում են»։

ՆԱՏՕ-ի գլխավոր քարտուղար Մարկ Ռյուտեն ավելի վաղ խոստովանել էր, որ Ուկրաինայի՝ դաշինքին միանալու հարցն այլևս օրակարգում չէ։