Միացյալ Նահանգները պետք է իմանա, որ Իրանի կողմից սպառնալիքները երբեք ոչնչի չեն հասնի, և Վաշինգտոնն ու մյուսները «ուժեղ ապտակ» կստանան, եթե չարիք գործեն Իրանի ժողովրդի դեմ, հայտարարել է Իրանի հոգևոր առաջնորդ այաթոլլա Ալի Խամենեին պետական հեռուստատեսության ուղիղ եթերում՝ ելույթ ունենալով իրանական օրացույցով 1404 թվականի նոր տարվա առաջին օրը:
«ԱՄՆ-ը պետք է իմանա, որ Իրանի հետ առճակատման ժամանակ սպառնալիքների միջոցով երբեք որևէ բանի չի հասնի։ Եթե ԱՄՆ-ը և ոչ միայն նրանք չարիք գործեն Իրանի ժողովրդի դեմ, նրանք ուժեղ ապտակ կստանան»,- ասել է Խամենեին:
Նախօրեին Axios պորտալը, հղում անելով աղբյուրներին, հայտնել էր, որ ԱՄՆ նախագահ Դոնալդ Թրամփը Իրանի գերագույն առաջնորդ Ալի Խամենեիին ուղղված նամակում երկամսյա ժամկետ է սահմանել միջուկային նոր համաձայնագրի կնքման համար։
