Վրաստանի հավաքականի գլխավոր մարզիչ Վիլի Սանյոլը մեկնաբանել է Հայաստանի ընտրանու նկատմամբ ՈՒԵՖԱ-ի Ազգերի լիգայի անցումային փլեյ-օֆֆի առաջին արտագնա խաղում տարած հաղթանակը` 3-0:
«Օգտագործեցինք մեր հնարավորությունները և գոլեր խփեցինք: Առաջին խաղակեսում շատ էինք տիրում գնդակին, դա օգնեց գոլային պահեր ստեղծել: Առաջին խաղակեսում խփած գոլերը վստահություն հաղորդեցին մեզ, իսկ Հայաստանի հավաքականը կոտրվեց:
Միկաուտաձեն հիանալի գործեց` օգտագործելով իր արագությունն ու ֆուտբոլային ուղեղը: Նա շարունակում է շատ գոլեր խփել::
Իմ տղաները լավ գործեցին նաև պաշտպանությունում»,- ասել ֆրանսիացի մասնագետը:
Պատասխան խաղը տեղի կունենա մարտի 23-ին Թբիլիսիում: Դիմակայության հաղթողը կնվաճի B դիվիզիոնի ուղեգիր:
