Իրանի արտաքին գործերի նախարար Աբբաս Արաղչին այսօր պաշտոնական այցով կժամանի Հայաստան։ Նա հայաստանյան իշխանությունների հետ քննարկելու է երկկողմ հարաբերությունները և Հարավային Կովկասի տարածաշրջանում վերջին զարգացումները. հայտնել է Իրանի ԱԳՆ պաշտոնական ներկայացուցիչ Իսմայիլ Բաղային:
«Իրանի Իսլամական Հանրապետության և նրա հարևանների միջև երկկողմ հարաբերությունների և տարածաշրջանում տեղի ունեցող փոփոխությունների շուրջ մշտական խորհրդակցությունների շրջանակում մեր երկրի արտաքին գործերի նախարարը երկուշաբթի օրը կայցելի Երևան»,- ըստ Իրանի ԱԳՆ Telegram ալիքի՝ ասել է Բաղան։
Արաղչին կհանդիպի Հայաստանի արտաքին գործերի նախարարի, ինչպես նաև ՀՀ վարչապետի և իշխանությունների այլ ներկայացուցիչների հետ:
