Լրագրող Թաթուլ Հակոբյանը գրել է.
Հայաստանի ազգայի հավաքականի պաշտպան Ռոբերտ Արզումանյանի այս գրառումը կիսում եմ երկրորդ անգամ։
Մեր հավաքականի նախկին ֆուտբոլիստը սա գրել է այն օրերին, երբ Վրաստանը Եվրո ուղեգրի ճանապարհին էր։
Սա վրացական ֆուտբոլի հաջողության կարճ բնութագիրն է։
Վրացական ֆուտբոլի այսօրվա հաջողությունը դրվել է 10 տարի առաջ։
Ամոթ բան չկա` սովորել վրացիներից։
Ամոթը չսովորելն ու անվերջ մղձավանջն է։
Ռոբերտ Արզումանյանի գրառումը ստորև.
Վրաստանի ֆուտբոլի ազգային հավաքականին մեկ քայլ է բաժանում եվրո-2024-ի ուեգրից։
Ինչպես երեկ խոստացել էի ձեզ եմ ներկայացնում վրացական ֆուտբոլի կերպարանափոխման որոշ հետաքրքիր մանրամասների դետալներ 5 փաստերով։
Փաստ 1
Վրացական ֆուտբոլի զարգացման
համար Ֆոնդի հիմնում 2015թ-ին:
Հիմնադրամը լուծում է 2 գլոբալ խնդիր։
Առաջին-Օգնություն Ֆուտբոլային ակումբներին։
Երկրորդ-ֆուտբոլային ենթակառուցվածքների զարգացում ամբողջ երկրով։
Ստացվում է մասնավոր-պետական յուրատեսակ համագործակցություն։
Հիմնադրամի շնորհիվ վերջին 9 տարվա ընթացքում պետությանան կողմից ներդրվել է 260մլն դոլլար։ Դրա շնորհիվ Վրաստանում ֆուտբոլն իրապես է մասսայականացվում։
Այս պահին ունեն 3 պրոֆեսիոնալ լիգա, որտեղ մասնակցում են 32 ակումբ 23 բնակավայրերից։
Ինչպես նաեւ 2 սիրողական լիգա՝ ազգային եւ ռեգիոնալ։
Մեկ բառով Վրաստանի առաջնությունը բաղկացած է 5 խմբից։
Փաստ 2
Լեգիոներների Լիմիտ10-ից ոչ ավել լեգիոներ մրցաշրջանի համար թիմի հայտացուցակում։ Դա նշանակում է խաղադաշտում կարող են հանդես գալ միաժամանակ բոլոր 10 արտասահմանցիները, բայց վրացական թիմերը նախապատվությունը տալիս են տեղացի ֆուտբոլիստներին։
Այս պահին Բարձրագույն Խմբի 10 թիմերն իրար հետ ունեն ընդհանուր 74 լեգիոներ, իսկ ընդհանուր բոլոր ֆուտբոլիստների միջին տարիքը կազմում է 24,2տ.։
Փաստ 3Դինամո Թբիլիսին ու իր Ակադեմիան
Հավաքականներ եւ արտասահման Ֆուտբոլիստներ մատակարարող գլխավոր դերակատարը Դինամոն է, չնայած փորձում են մոտենալ նրան նաեւ Սաբուրթալոն, Լոկոմոտիվը, Տորպեդոն եւ Դինամո Բաթումին։
Դինամո Թ.-ին բացել է նոր ակադեմիա, եւ երեխաների հետ աշխատելու համար հրավիրել արտասահմանցի բարձր որակավորում ունեցող մեթոդիստների։ ինչպես նաեւ ակադեմիայում մանկապատանեկան մարզիչների աշխատանքը դարձրել հեղինակավոր եւ բարձր վարձատրվող, որը հասնում է մինչեւ 1500 դոլարի։
Փաստ 4Ֆուտբոլիստների մասսայական տրանսֆերների իրականացում արտասահմանյան ակումբներ
Վրաստանից բազմաթիվ ֆուտբոլիստների տրանսֆերներ են վաճառվում։ Առաջատարը Դինամո Թ. է, որը միայն 2023-2024 տրանսֆերային պատուհանների ընթացքում վաճառքից վաստակել է 3,9մլն Եվրո, իսկ բոլոր ակումբները միասին 12 ֆուտբոլիստ ընդհանուր 6մլն եվրոյի։
Ընդհանուր վերջին 7 տարում վաճառել են 40 ֆուտբոլիստ ընդհանուր 17մլն եվրոյից ավել գումարով, սրա մեջ չի մտնում Կվարացխելիայի Դինամո Բաթումիից Նապոլի տտանսֆերը, քանի որ Բաթումին հանդես եկավ որպես սանկցիաներ շրջանցող օղակ Ռուբինի համար։
Այստեղ շատ կարեւոր դեր նաեւ խաղում է հիմնադրամը խրախուսելով ֆուտբոլիստի վաճառքին արտասահման։ Եթե օրինակի համար ակումբը վաճառում է պայմանական 1մլն եվրոյով, հիմնադրամը այդ ակումբին տալիս է նույնպես 1մլն Եվրո։
Եւ այս քաղաքականության արդյունքում ունեն արտասահմանում հանդես եկող բազմաթիվ ֆուտբոլիստներ, որոնցից ոչ բոլորն են հրավիրվում Հավաքական։
Մի քանի վառ անուններ , ովքեր վրացական ֆուտբոլի սաներ են.
1.Կվարացխելիա-23տ. Նապոլի,Իտալիա, 80մլն Եվրո
2.Մամարդաշվիլի-23տ. Վալենսիա, Իսպանիա 35մլն
3.Կիտեիշվիլի-27տ. Շտուրմ Ավստրիա 3մլն
4.Դավիթաշվիլի-23տ. Բորդո, Ֆրանսիա 2,5մլն
5.Չակվետաձե-24տ., Ուոտֆորդ, Անգլիա 2,5մլն
6.Գոչոլեիշվիլի-23տ., Շախտյոր Ուկրաինա, 2,5մլն
7.Գագնիձե-21տ., Դինամո Մոսկվա, 2մլն
Կան շատ այլ անուններ եւս։
Հաշվի առնենք, որ Վրաստանը չունի այն սփյուռքն ինչ մենք:
Փաստ 5Վրաստանի Երիտասարդական Հավաքական
Երիտասարդական Եվրո-2023-ին հասան մինչեւ 1/4 եզրափակիչ, որտեղ 11մ. հարվածաշարով պարտվեցին Իսրայելին, 1/8 եզրափակչում հաղթել էին Հոլանդիային։Ավելացնեմ, որ մրցաշարին չեր մասնակցում գլխավոր աստղը՝ Խվիչա Կվարացխելիան։
Հ.Գ.
Վստահ եմ մենք հաստատապես ունենալու ենք վառ ֆուտբոլ եւ անհատականություններ եւս։
