ՀՀ ԱԳ փոխնախարար Պարույր Հովհաննիսյանն անդրադարձել է խաղաղության համաձայնագրի շուրջ բանակցություններում ՌԴ ներգրավվածությանը:
Նրա խոսքով, ՌԴ-ի մասնակցության հնարավորությունը միշտ եղել է. «ՌԴ-ն ներգրավված էր նաև նախկինում, վերջերս մենք խորհրդակցություններ ենք ունեցել ՌԴ-ի հետ: Մենք բոլոր գործընկերներին, որոնք կարող են նպաստել այս գործընթացին, իհարկե, արձագանքում ենք և քննարկումներ ենք անցկացնում»,- նշել է նա:
Փոխնախարարը հավելել է, որ մոտ 1.5 տարի ՌԴ գործընկերների հետ խորհրդակցություններ չեն եղել. «ԱԳ նախարարների հանդիպումից հետո պայմանավորվածություն ձեռք բերվեց շարունակել խորհրդակցությունները, և դա տեղի ունեցավ»:
