ԱԺ նախագահ Ալեն Սիմոնյանն անդրադարձել է հայ-ադրբեջանական խաղաղության համաձայնագրին: Նրա խոսքով՝ գործընթացը փակուղում չէ. «Հավանաբար, ադրբեջանական կողմի համար մի փոքր անսպասելի էր մեր առաջարկը՝ ստորագրելու և այդ տրամաբանությամբ առաջ շարժվելու մասին հայտարարությունը»,- ասել է նա:
Սիմոնյանի պնդմամբ՝ նախկինում Ադրբեջանը մարտավարություն էր որդեգրել՝ համաձայնելով որոշակի կետերի՝ գիտակցելով, որ հայկական կողմը դրանց չի համաձայնի. «Այս պայմանագրի քննարկման նպատակը արդյունքի հասնելն էր, այլ ոչ թե խոսակցությունները հավերժ շարունակելը»,- հավելել է նա:
Անդրադառնալով ընդդիմության այն պնդումներին, թե իշխանության գործելաոճին ծանոթ լինելով՝ խաղաղության համաձայնագիրը կարելի է կապիտուլյացիա համարել, նա նշել է. «Առաջին և ամենահայտնի կապիտուլյացիան Սերժ Սարգսյանի կապիտուլյացիան էր հայ ժողովրդի առջև»: Ըստ նրա՝ ընդդիմության պնդումներն անլուրջ տպավորություն են թողնում, քանի որ դրանք արվում են առանց համաձայնագրի տեքստին ծանոթանալու. «Ընդդիմությունը խաղաղության պայմանագրի] տեքստը տեսե՞ է, որ նման բան է ասում: Ո՞նց կարող է միակողմանի լինել, եթե բոլոր դրույթները վերաբերում են երկու կողմին»:
