Ուկրաինայի նախագահ Վլադիմիր Զելենսկին հայտարարել է, որ ռուսների հետ բանակցություններում ամենադժվար հարցերը հրադադարն են և տարածքների հարցը։ Այս մասին նա հայտարարել է ճեպազրույցի ժամանակ։
«Մեզ անհանգստացնում է Ռուսաստանի վրա Ամերիկայի Միացյալ Նահանգների ազդեցությունը, և ոչ թե հակառակը: Սա մեզ համար ամենակարևորն է: Նախագահ Թրամփն ունի բավականաչափ ուժ, գործիքներ, պատժամիջոցներ՝ տարբեր գործիքներ ռուսների վրա ազդելու համար, որպեսզի նրանք վերջ տան այս պատերազմին»,- ընդգծել է Զելենսկին։
Նախագահը հավելել է, որ Ուկրաինան անհանգստանում է այն, որ ամերիկացիները խոսում են իրենց երկրի մասին ռուսների հետ՝ առանց Ուկրաինային ուղղակիորեն ներառելու այդ քննարկումներում։
