ՌԴ նախագահ Վլադիմիր Պուտինի՝ Ուկրաինայի էներգետիկ օբյեկտների վրա հարվածներն արգելելու մասին հրամանը գործում է և իրականացվում է ռուսական զինված ուժերի կողմից․ հայտնել է Կրեմլի խոսնակ Դմիտրի Պեսկովը։
Դմիտրի Պեսկովի հայտարարությունների հիմնական կետերը`
Էներգետիկ օբյեկտներին հարվածելու հրադադարը կարևոր քայլ առաջ է, և անհրաժեշտ է շարունակել այդ ուղղությամբ աշխատանքը։
Էներգետիկ ենթակառուցվածքների վրա հարվածների արգելքը պետք է անպայման պահպանվի։
Կրեմլում ընդգծել են Կիևի՝ բանակցություններ վարելու անկարողությունը։
Ռուսաստանը շարունակում է շփումները Միացյալ Նահանգների հետ։ Դրանք ընթանում են շատ ինտենսիվ։
ՌԴ-ն գոհ է ԱՄՆ-ի հետ շփումների պրագմատիկ, կառուցողական և արդյունավետ ընթացքից։
ՌԴ-ն հույս ունի, որ այս անգամ հացահատիկի գործարքում արդարությունը կհաղթի։
