Շուրջ 640 հազար միգրանտներ ընդգրկված են Ռուսաստանի ՆԳՆ-ի կողմից վերահսկվող օտարերկրացիների ցանկում, որոնք անօրինական կերպով գտնվում են ՌԴ-ում: Այս մասին հայտարարել է ՌԴ կառավարության ղեկավար Միխայիլ Միշուստինը՝ Պետդումայում պատասխանելով պատգամավորների հարցերին, հայտնում է EADaily-ն։
«ՆԳՆ-ի կողմից սահմանափակումներ են մտցվել երկրում ապօրինի գտնվող միգրանտների հանդեպ։ Այնտեղ ընդգրկվել է մոտ 640 հազար մարդ», – նշել է Միշուստինը։
Նրա խոսքով՝ միգրացիոն քաղաքականության ապագա հայեցակարգը ենթադրում է իրավապահ խնդիրների առաջնահերթ լուծում։
«Անօրինական ներգաղթը ընդհանրապես սպառնալիք է հասարակական կայունության և անվտանգության համար։ Բայց ռազմավարական առումով հենց իրավապահ խնդիրներն է անհրաժեշտ լուծել առաջին հերթին, իսկ հետո պատասխանել աշխատանքային ռեսուրսների անբավարար քանակի և որակի մարտահրավերին», – հավելել Է Միշուստինը։
