Չինաստանը ԱՄՆ-ի հետ կքննարկի առևտրային սահմանափակումները։ Չորեքշաբթի Չինաստանի պատվիրակությունը նախատեսում է համապատասխան հանդիպում անցկացնել ԱՄՆ առևտրի նախարար Հովարդ Լուտնիկի և ԱՄՆ առևտրային ներկայացուցիչ Ջեյմիսոն Գրիրի հետ, հայտնում է РИА Новости-ն։
«Հանդիպման մանրամասներին ծանոթ աղբյուրն ինձ ասաց, որ վաղը չինական պատվիրակությունը հանդիպելու է ԱՄՆ առևտրի ներկայացուցչի հետ՝ մաքսատուրքերի շուրջ բանակցությունների համար»,- գրել է լրագրողը X սոցիալական ցանցի իր էջում։
Նրա խոսքով, ի թիվս այլ հարցերի, նախատեսվում է բանակցություններում քննարկել թմրամիջոցների ապօրինի շրջանառության և առևտրային խոչընդոտների հետ կապված հարցեր։
