Իրավապահ մարմինները մարտի 27-ի առավոտյան խուզարկություններ են անցկացրել «Մայր Հայաստան» դաշինքի Գյումրիի գրասենյակում։ Այս մասին հայտնել է «Մայր Հայաստան» դաշինքը։
Վաղ առավոտյան Երևանի հակակոռուպցիոն կոմիտեն, 6-րդ վարչությունը և Կումայրի բաժինը մտել են «Մայր Հայաստան» դաշինքի գրասենյակ և սկսել խուզարկել շտաբի պետ Արա Ոսկանյանի բնակարանն ու «Մայր Հայաստան» դաշինքի ընդհանուր գրասենյակը»,- ասված է հաղորդագրության մեջ։
Նշվում է, որ նույն կառույցները խուզարկում են Մայր Հայաստան դաշինքի համակիրներից և աջակիցներից մի քանիսի բնակարանները։
Թե ինչն է խուզարկությունների պատճառը, դաշինքից չեն հայտնել։
ՀՀ Հակակոռուպցիոն կոմիտեն քիչ առաջ հաղորդագրություն էր տարածել՝ հայտնելով, որ Գյումրիում արձանագրվել են ընտրակաշառք առաջարկելու դեպքեր՝ շեշտելով, որ ձեռնարկվում են անհրաժեշտ միջոցառումներ՝ նշված դեպքերի բոլոր հանգամանքները պարզելու և դրանցում ներգրավված անձանց հստակ շրջանակը բացահայտելու ուղղությամբ։
