«Մեր շտաբն ուզում է հայտարարությամբ հանդես գալ՝ դատապարտելով այն հրապարակումները, որ կան մամուլում»,- հայտարարել է Գյումրիի ավագանու ընտրություններում ՔՊ նախընտրական շտաբի ղեկավար, Շիրակի մարզպետ Դավիթ Առուշանյանը։ Նա նշել է, թե ՀՀ-ն ժողովրդավար երկիր է, և չպետք է գյումրեցիներին ձայնի իրավունքից զրկեն կամ օրինախախտումներով քաղաքացու քվեի վրա ազդել։
Նրա խոսքով, ընդդիմադիր տարբեր թեկնածուների ընտրացուցակներում կան պետական աշխատողներ, և նրանց վրա որևէ ճնշում չի եղել, ինքն էլ, որպես մարզպետ, այդ հարցով խիստ հրահանգ է իջեցրել. «Մենք քարոզում ենք ժողովրդավարություն, մենք ընտրություններն անում ենք արդար ու մաքուր»։
