Ես չեմ կարծում, թե Գյումրիում պարտվելու ենք. Ալեն Սիմոնյան

ԱԺ նախագահ Ալեն Սիմոնյանն անդրադարձել է Գյումրիում այսօր առավոտյան ՏԻՄ ընտրություններին առնչվող ձերբակալություններին։ Նրա խոսքով, որոշ թեկնածուներ փորձում են ճնշել ընտրողներին ու մտածում են՝ հին ձևերը կանցնեն։ «Նման մեղադրանքներ չկան այն թեկնածուների հասցեին, որոնց հասցեին չեն կարող լինել»,- ասել է նա։ Ըստ նրա, երկակի ստանդարտներ չեն կարող լինել։

Խոսելով ընտրությունների հնարավոր ելքերի մասին, Սիմոնյանը նշել է, թե եղել են համայնքներ, որտեղ ՔՊ-ն պարտվել է, նաև՝ Գյումրիում են գնացել կոալիցիոն կառավարման. «Բայց ես չեմ կարծում, թե մենք այնտեղ պարտվելու ենք»։

Հարցին՝ ձերբակալություններն ինչու են 3 օր առաջ տեղի ունենում, նա նշել է. «Ե՞րբ պետք է ընտրություններ կեղծողը դրանք կեղծի, մի տարի առա՞ջ, մի տարի հետո՞։ էդ գործողությունը, ճնշումը իրականացնում են ընտրություններից մի քանի օր առաջ, իսկ իրավապահները դրան արձագանքում են»։