Սպիտակ տունն արձագանքել է Պուտինի հայտարարությանը, որով առաջարկվում էր ընտրությունների անցկացման համար Ուկրաինայում ներդնել ժամանակավոր կառավարում։ Մասնավորապես, նա հայտարարել է, որ Ուկրաինայի ներկայիս իշխանությունն իբր ոչ լեգիտիմ է։
«Սպիտակ տան Ազգային անվտանգության խորհրդի ներկայացուցիչը, պատասխանելով ժամանակավոր վարչակազմի մասին Պուտինի հայտարարությունների վերաբերյալ հարցերին, ասել է, որ Ուկրաինայում կառավարման համակարգը որոշվում է նրա սահմանադրությամբ և երկրի ժողովրդի կողմից»,- գրում է Reuters-ը։
