Իսրայելի հարձակումների վերսկսման պատճառով Գազայում սրվել է հումանիտար ճգնաժամը, հայտարարել է Թուրքիայի նախագահ Ռեջեփ Էրդողանը Պաղեստինի նախագահ Մահմուդ Աբբասի հետ հեռախոսազրույցի ժամանակ:
Ինչպես հայտնել են Թուրքիայի նախագահի վարչակազմին կից կապերի վարչությունից, նա նշել է, որ պաղեստինցիները կկարողանան հաղթահարել Գազայի հատվածում վերսկսված ճգնաժամը միայն միասնությամբ։ Էրդողանը և Աբբասը քննարկել են չդադարող իսրայելական հարձակումները, ինչպես նաև գլոբալ և միջազգային օրակարգի արդիական հարցեր:
Al Jazeera հեռուստաալիքն ավելի վաղ, վկայակոչելով պաղեստինյան անկլավի Առողջապահության նախարարությանը, հայտնել էր, որ գրեթե 900 պաղեստինցի Է զոհվել, մոտ 2 հազարը՝ վիրավորվել Գազայում Իսրայելի կողմից ռազմական գործողությունների վերսկսման պահից ի վեր:
