«Իրազեկ քաղաքացիների միավորում» կազմակերպության ղեկավար Դանիել Իոաննիսյանը գրել է.
««Անկախ դիտորդի» դիտորդ Սևադա Ղազարյանին հեռացրել են Գյումրիի 31/37 տեղամասից այն բանից հետո, երբ նա հանձնաժողովի նախագահից պահանջել է պրոակտիվ կերպով ընտրողներին օգնող չառաջարկել։
Դրանով կատարվել է Քրեական օրենսգրքի 210-րդ հոդվածի 1-ին մասով (դիտորդի գործունեության խոչնդոտում), և, հավանաբար, 215-րդ հոդվածի 2-րդ մասով (քվեարկության գաղտնիության խախտում) նախատեսված արաքներ։
Այժմ պատրաստում ենք հանցագործության մասին հաղորդումը, քիչ անց կներկայացնենք դատախազություն»։
Ըստ տեղեկությունների՝ նշված տեղամասի նախագահը նշանակված է «Հայաստան» դաշինքից։
