Մարտի 31-ին Արտաքին գործերի նախարարություն է կանչվել Ադրբեջանում Գերմանիայի Դաշնային Հանրապետության արտակարգ և լիազոր դեսպան Ռալֆ Հարլեմանը։ Նրան խստորեն բողոքի նոտա են հայտնել Հայաստանում այցով գտնվող Գերմանիայի նախագահի կողմից սոցցանցում Արցախի դրոշի հրապարակման կապակցությամբ։
Ադրբեջանի ԱԳՆ-ն սա համարել է «բացահայտ քաղաքական սադրանք և գերմանական կողմին հորդորել է հրապարակային ներողություն խնդրել այս գրառման համար»։ Ընդգծվել է, որ Գերմանիայի նախագահի պաշտոնը «հակասում է Ադրբեջանի տարածքային ամբողջականությանն ու ինքնիշխանությանը սատարելու հայտարարությանը և խաթարում է ընթացող խաղաղ գործընթացը»։
Հավելենք, որ հրապարակումն արդեն հեռացվել է Գերմանիայի նախագահ Ֆրանկ-Վալտեր Շտայնմայերի էջից։
