ԱՄՆ-ի պահանջը Չինաստանից անարդար է. Վան Ի

Չինաստանն անհամեմատ ավելի փոքր միջուկային զինանոց ունի, քան ԱՄՆ-ն, ուստի անարդար ու անիրատեսական է համարում Վաշինգտոնի պահանջը՝ մասնակցել միջուկային զինաթափման շուրջ բանակցություններին: Այդ մասին «ՌԻԱ Նովոստի»-ին տված հարցազրույցում հայտարարել է ՉԺՀ-ի ԱԳ նախարար Վան Ին:

«Չինաստանի միջուկային զինանոցը անհամեմատելիորեն զիջում է ԱՄՆ ուժերին, և նրա միջուկային քաղաքականությունն ու ռազմավարական անվտանգության միջավայրը արմատապես տարբերվում են, ուստի ներկայումս ԱՄՆ-ի պահանջը Չինաստանից՝ միջուկային զինաթափման վերաբերյալ եռակողմ բանակցություններին միանալու համար անարդար և անիրատեսական է: Մենք պետք է հասկանանք, թե ինչ է տեղի ունենում Չինաստանի հետ», – ասել է նա:

Ավելի վաղ ԱՄՆ նախագահ Դոնալդ Թրամփը հայտարարել էր, որ մտադիր է քննարկել միջուկային ներուժի կրճատման հարցը ՌԴ նախագահ Վլադիմիր Պուտինի և ՉԺՀ առաջնորդ Սի Ծինփինի հետ, և հնարավոր է համարել եռակողմ գագաթնաժողովի անցկացումը։