ԵՄ արտաքին գործերի և անվտանգության քաղաքականության գերագույն ներկայացուցիչ Կայա Կալլասը վստահություն է հայտնել, որ ՆԱՏՕ-ն «կգոյատեւի» ԱՄՆ առաջնորդ Դոնալդ Թրամփի նախագահական ժամկետում։
Դիվանագետը շեշտել է, որ «սա ուժեղ դաշինք է»՝ պատասխանելով իսպանական El Mundo թերթի հարցին, թե արդյոք կազմակերպությունը «կգոյատեւի» Թրամփի կառավարման ժամկետում․ նա շեշտել է՝ «Ես վստահ եմ»:
ԱՄՆ-ի կողմից մաքսատուրքերի հայտարարման ֆոնին առևտրային պատերազմի առնչությամբ Կալլասը կարծում է, որ Թրամփի հետ հարաբերություններում հավասարակշռություն է անհրաժեշտ։
«Եթե ԱՄՆ-ն առևտրային պատերազմ սկսի իր դաշնակիցների հետ, ապա Չինաստանն իսկապես կշահի դրանից»,- կարծում է նա։ Նրա խոսքով՝ Բրյուսելն այժմ փորձում է համաձայնության գալ ամերիկյան կողմի հետ։
